1

O Yee, my vriw, m’er chosnee cair,
Jean myghin orrym, Hiarn,
Veih seaghyn hug oo dou livrey,
As ta moe foast er-mayrn.

2

Varvanee hreih ! O caid nee shiu
Mysh m’ennym ooasle craid ?
Oaid eiyrys shiu da eer fardail,
Da scammyltyn, O caid ?

3

Toig-jee dy vel yn dooinney mie
Goit stiagh my reih ec Jee;
T’eh geaishtagh rish my phadjeryn
Tra ta mee huggey guee.

4

Lesh aggle crauee jean-jee chea
Veih eiyrtys peccah trome;
Smooinaghtyn mis gow shiu ny gree,
Gys Joe dy-injil croym.

5

Yn oural cooie dy ynrickys
Jean-jee y hebbal da;
Ayns jeerid jeeagh-jee gys y Chiain,
As treisht-jee ayn dy-bra.

6

Mooaralee or co’oid heihlltagh soit
Ta kinjagh geearree pooar;
Agh lhig da aalid dt’eddin, Yee,
Orryms soilshean ayns gloyr.

7

My chree myr shen feer ghennal vees,
Roie harrish lane dy vee;
Son cha nee feeyn ny arroo lesh,
Ver kiunid cair ‘sy chree.

8

Eisht lhie-ym sheese as hem gys fee
Lesh aigney lane dy hoe;
Son uss, O Hiarn, ta ny endeil,
Ta coyrt dou fea ny hoie.

Any comments, errors or omissions gratefully received The Editor
HTML Transcription © F.Coakley , 1999