CABDIL XIV

BRISHEY USHTEY PURT CHIARN

MYSH yn vlein hoght cheead jeig three feed as kiare va’n chiagh undin yn Vrishey Ushtey ec Purt Chiarn soit. Va Illiam Milner yn ard ghooinney ayns y chooish.

Va slane stott spongit son yn laa mooar. Ren eh troggal bwaag, ayns magher yn Rowany, da sleih yn skeerey, as feallagh elley, dy ghoaill soylley jeh ny reddyn mie va ny cour oc. Va tubbagyn dy lhune, ny jough vie, noon as noal ayns y vagher, da dy chooilley unnane son dy iu jeh, Va dagh er cur-lesh saagh dy iu ass, eisht vod goll trooid yn bwaag, nane as nane, er-eiyrt dy cheilley. Va’d geddyn daa slissag dy arran, as slissag feill vart spongit, as eisht goll magh er yn chione elley yn bwaag gys ny tubbagyn lhune, as diu ad ny saie. Ec yn oie va feailley elley oc, er lout " Yamys Archie," da dy chooilley unnane harragh dy ghoaill eh.

CHAPTER XIV

PORT ERIN BREAKWATER

THE foundation-stone of the Breakwater at Port Erin was laid about the year eighteen hundred and sixty-four. William Milner was the chief man in the cause.

A whole bullock was roasted for the great day. He put up a tent, in the Rowany field, for the people of the parish and others to enjoy the good things provided for them. Tubs of ale or good beer were here and there in the field, for every one to drink of. Each one was to bring a vessel to drink out of, and then they were to go through the tent, one by one, after each other. They got two slices of bread and a slice of roast beef, and then they could go out on the other end of the tent, to the tubs of ale, and drink their fill. At night they had another feast on James Archie’s loft, for every one who would come to take it.

Hooar Kiannoort Loch, Illiam Mimer, as fer ny jees elley, three feed as hoght dy housaneyn veih ny Gioalteyryn ayns Lunnon, dy yannoo yn Vrishey Ushtey ayns Purt Chiarn. Cha row ad geddyn monney argid dy eeck ayns use, agh red beg dy phunt ‘sy vlein. Va ny Gioalteyryn laccal yn argid dy ye eeckit daue reesht. Ren Kiannoort Loch cur-lesh yn chooish kione-fenish yn Chiare-as-feed dy eeck yn argid. Dooyrt adsyn rish nagh row adsyn er ye briet mychione echey, shen-y-fa cha row ad dy lhie roish. Eisht va sheshaght~ reiht ass yn Chiare-as-feed, as y Choonceil, dy gholl gys Lunnon, dy yannoo bargane. As choard ad myrshoh:

V’adsyn geeck mysh nane as feed dy hous aneyn da ny Gioalteyryn.

Governor Loch, William Milner, and one or two others had procured sixty-eight thousand from the Commissioners in London, to make a breakwater at Port Erin. They did not get much money to pay on interest, but a few pounds a year. The Commissioners wanted the money to be paid back again. Governor Loch brought the case before the House of Keys to pay the money. They said to him that they had never been asked about it, therefore they were not liable for it. Then a committee was chosen out of the House of Keys, and the Council, to go to London, to make an agreement. And they agreed thus:

They were to pay about twenty one thousand to the Commissioners.

Son shen va’d geddyn keesh er ooilley yn stoo va cheet stiagh ayns yn Ellan da’n Ellan, as screeunyn dy chooilley laa, as pooar dy hroggal keesh er thalloo, ooilley currit cooidjagh, t’eh mysh kiare thousaneyn ‘sy vlein da’n Ellan. Shen-y-fa cha vel Purt Chiarn lhiastyn veg dy argid da’n Ellan.

Son yn oyr shoh, ren Kiannoort Loch cur ersooyl yn chenn Chiare-as-feed, as eisht va’n sleih dy reih yn Chiare-as-feed adhene, dy yannoo yn Chiare-as-feed lhie roish son keeshyn yn Ellan.

For that they were getting the taxes (customs) on all the stuff (goods) coming into the Island for the Island, and letters every day,* and power to raise taxes on land. Put all together it is about four thousand in the year to the Island. Therefore Port Erin is not owing any money to the Island.

For this reason, Governor Loch dissolved the old House of Keys, and then the people were to elect the House of Keys for themselves, to make the House of Keys liable for the taxes (customs) of the Island.

* That is, a daily mail to and from England.

Any comments, errors or omissions gratefully received The Editor
HTML Transcription © F.Coakley , 1999