[Thou man of griefs, remember me.]

1 O COOINEE orrym uss hur baase
Cha vod oo hene dy bragh jarrood,
Dty ollish foalley as angaish,
Ny pianyn sharroo, hie-oo trooid.

2 Dy jeean ayns padjer laboragh,
Yn spyrryd laadit coayl e vree
Son feill cha voddagh shassoo magh
Roish corree'n ooilley-niartal Ree.

3 My Ayr, my ta mee nish lhiat hene,
Cur clashtyn da my accan faase
As gow yn laad dy pheccah jeem ;
Nagh beem fo deyrey geddyn baase.

4 She shoh ta oyr lane aggle dooys,
As laadey sheese my avnym treih,
Aggle dy sur-ym's dty yimmoose,
Chord as vees eashyn beayn dy roie,

5 Ayvs padjer ta mee hood chyndaa,
Aggle y vaash gow slane er-sooyl,
Baase ta cheet baggyrt lesh e ghah,
As niurin agglagh cheet ny chooyl.

6 Agh Hiarn, nagh jean uss m'y aagail,
Dy huittym void fo deyrey beayn
Agh trooid dty Vac jean m'y hauail,
Quoi er my hon hur wheesh dy phian.